ਹੁਣ ਹਰ ਮਿੰਟ ’ਚ ਭਾਰਤ ਵਿਕਦੀਆਂ ਹਨ 44 ਗੱਡੀਅਾਂ

ਨਵੀਂ ਦਿੱਲੀ : ਪਿਛਲੇ ਵਿੱਤੀ ਸਾਲ ’ਚ ਟੂ-ਵ੍ਹੀਲਰ ਬਣਾਉਣ ਵਾਲੀਅਾਂ ਕੰਪਨੀਆਂ ਨੂੰ ਕਈ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਸਭ ਤੋਂ ਪਹਿਲਾਂ ਸੁਪਰੀਮ ਕੋਰਟ ਵਲੋਂ ਬੀ. ਐੱਸ.-3 ਦੀ ਵਿਕਰੀ ’ਤੇ ਰੋਕ ਲਾ ਦੇਣਾ, ਜੋ ਕਿਸੇ ਵੀ ਟੂ-ਵ੍ਹੀਲਰ ਨਿਰਮਾਤਾ ਲਈ ਕਿਸੇ ਡਰਾਉਣੇ ਸੁਪਨੇ ਤੋਂ ਘੱਟ ਨਹੀਂ ਸੀ। ਸੁਪਰੀਮ ਕੋਰਟ ਦੇ ਇਸ ਝਟਕੇ ਨਾਲ ਟੂ-ਵ੍ਹੀਲਰ ਨਿਰਮਾਤਾ ਉੱਭਰਨ ਦੀ ਕੋਸ਼ਿਸ਼ ਹੀ ਕਰ ਰਹੇ ਸਨ ਕਿ ਸਰਕਾਰ ਜੀ. ਐੱਸ. ਟੀ. ਲੈ ਕੇ ਆ ਗਈ। ਇਨ੍ਹਾਂ ਮੁਸ਼ਕਲਾਂ ਤੋਂ ਬਾਅਦ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਟੂ-ਵ੍ਹੀਲਰ ਵਾਹਨਾਂ ਦੀ ਵਿਕਰੀ ’ਚ ਕਾਫੀ ਗਿਰਾਵਟ ਦੇਖਣ ਨੂੰ ਮਿਲੇਗੀ ਪਰ ਅਜਿਹਾ ਹੋਇਆ ਨਹੀਂ। ਇਕ ਤੋਂ ਬਾਅਦ ਇਕ ਸਮੱਸਿਆਵਾਂ ਆਉਣ ਤੋਂ ਬਾਅਦ ਵੀ ਭਾਰਤੀ ਕੰਪਨੀਆਂ ਟੂ-ਵ੍ਹੀਲਰ ਵਾਹਨਾਂ ਦਾ ਸਭ ਤੋਂ ਵੱਡਾ ਬਾਜ਼ਾਰ ਬਣ ਕੇ ਉਭਰੀਆਂ। ਹੁਣ ਆਲਮ ਇਹ ਹੈ ਕਿ ਭਾਰਤ ’ਚ ਹਰ ਮਿੰਟ 44 ਟੂ-ਵ੍ਹੀਲਰਸ ਦੀ ਵਿਕਰੀ ਹੁੰਦੀ ਹੈ। ਮੌਜੂਦਾ ਵਿੱਤੀ ਸਾਲ 2018-19 ਦੀ ਪਹਿਲੀ ਛਮਾਹੀ ਦੌਰਾਨ ਟੂ-ਵ੍ਹੀਲਰ ਦੇ ਕਾਰੋਬਾਰ ’ਚ ਕਾਫੀ ਚੰਗਾ ਵਾਧਾ ਦੇਖਣ ਨੂੰ ਮਿਲਿਅਾ ਹੈ। ਹਰ ਦਿਨ 100 ਤੋਂ ਵੀ ਜ਼ਿਆਦਾ ਨਵੇਂ ਟੂ-ਵ੍ਹੀਲਰ ਵਾਹਨ ਭਾਰਤ ਦੀਆਂ ਸੜਕਾਂ ’ਤੇ ਭੱਜਦੇ ਹਨ। ਇੰਨਾ ਹੀ ਨਹੀਂ ਪਹਿਲੀ ਛਮਾਹੀ ’ਚ ਟੂ-ਵ੍ਹੀਲਰ ਉਦਯੋਗ ਨੇ 1,41,55,758 ਵਾਹਨਾਂ ਦੀ ਵਿਕਰੀ ਕੀਤੀ ਹੈ, ਜਦਕਿ ਪਿਛਲੇ ਸਾਲ ਪਹਿਲੀ ਛਮਾਹੀ ’ਚ ਟੂ-ਵ੍ਹੀਲਰ ਉਦਯੋਗ ਨੇ ਕੁਲ 1,27,56,611 ਵਾਹਨਾਂ ਦੀ ਵਿਕਰੀ ਕੀਤੀ ਸੀ। ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਪਹਿਲੀ ਛਮਾਹੀ ’ਚ ਟੂ-ਵ੍ਹੀਲਰ ਉਦਯੋਗ ਨੇ 10.97 ਫੀਸਦੀ ਜ਼ਿਆਦਾ ਵਾਧਾ ਕੀਤਾ ਹੈ।

Leave a Reply

Your email address will not be published. Required fields are marked *