ਲਾਹੌਰ : ਜਦੋਂ ਘਰ ਦੇ ਮਾਲਕ ਘਰ ਨਾ ਹੋਣ ਤਾਂ ਫਿਰ ਬਈ ਐਦਾਂ ਹੀ ਹੁੰਦੀ ਹੈ ਜਿਵੇਂ ਵਿਚਾਰੇ ਨਵਾਜ਼ ਸ਼ਰੀਫ ਦੀਆਂ ਮੱਝਾਂ ਨਾਲ ਹੋਈ ਹੈ। ਹੁਣ ਇਮਰਾਨ ਖਾਨ ਨੇ ਨੰਗ ਹੋਏ ਟੱਬਰ ਦੇ ਮਾਲਕ ਵਾਂਗ, ਘਰ ਦੇ ਗਲਾਸ ਕੌਲੀਆਂ ਵੇਚ ਕੇ ਰੋਟੀ ਦਾ ਹੀਲਾ ਕਰਨਾ ਸ਼ੁਰੂ ਕਰ ਦਿੱਤਾ ਤਾਂ ਉਸ ਦੀ ਨਿਗਾਹ ਨਵਾਜ਼ ਸ਼ਰੀਫ ਦੀਆਂ ਮੱਝਾਂ ‘ਤੇ ਜਾ ਪਈ । ਉਸ ਨੇ ਸੋਚਿਆ ਹੋਣਾ ਦੁੱਧ ਤਾਂ ਹੁਣ ਉਂਜ ਹੀ ਰੁਲਦਾ ਫਿਰਦਾ, ਕਾਹਨੂੰ ਮੁਫਤ ‘ਚ ਗੋਹਾ ਚੱਕਣਾ, ਸੋ ਮੱਝਾਂ ਨੂੰ ਹੀ ਗੱਡੀ ਚੜ੍ਹਾ ਦਿੱਤਾ। ਉਂਜ ਇਨ੍ਹਾਂ ਮੱਝਾਂ ਨੂੰ ਵੇਚਕੇ 19000 ਡਾਲਰ ਹੀ ਬਣੇ ਹਨ। ਸਿਆਣੇ ਸੱਚ ਕਹਿੰਦੇ ਐ ਕਿ ਥੁੱਕ ਨਾਲ ਵੜੇਵੇਂ ਨੀ ਪੱਕਦੇ। ਇਹ ਤਾਂ ਇਕ ਤਰ੍ਹਾਂ ਨਾਲ ਮੀਡੀਏ ਵਿਚ ਹੀਰੋ ਬਣਨ ਦੀ ਸਕੀਮ ਹੀ ਲਗਦੀ ਹੈ। ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਨਵਾਜ਼ ਸ਼ਰੀਫ ਦੀਆਂ ਮੱਝਾਂ ਨਿਲਾਮੀ ਵਿਚ ਖਰੀਦ ਕੇ ਉਸ ਦੇ ਪਾਰਟੀ ਕਾਰਕੁਨ ਹੀ ਲੈ ਕੇ ਗਏ ਹਨ। ਇਹ ਮੱਝਾਂ ਇਸਲਾਮਾਬਾਦ ਵਿਚ ਨਵਾਜ਼ ਦੇ ਘਰ ਰੱਖੀਆਂ ਹੋਈਆਂ ਸਨ ਤੇ ਉਸ ਦਾ ਟੱਬਰ ਇਨ੍ਹਾਂ ਦਾ ਦੁੱਧ ਪੀਂਦਾ ਸੀ।
Related Posts
ਬ੍ਰੈਗਜ਼ਿਟ ਤੋਂ ਬਾਅਦ ਸਾਰੇ ਦੇਸ਼ਾਂ ਦੇ ਕਰਮਚਾਰੀਆਂ ਨੂੰ ਬਰਾਬਰ ਮੌਕੇ ਮਿਲਣਗੇ
ਲੰਡਨ — ਬ੍ਰਿਟੇਨ ਦੀ ਪ੍ਰਧਾਨ ਮੰਤਰੀ ਥੈਰੇਸਾ ਮੇਅ ਨੇ ਸੋਮਵਾਰ ਨੂੰ ਸੰਕਲਪ ਜਤਾਇਆ ਹੈ ਕਿ ਬ੍ਰੈਗਜ਼ਿਟ ਤੋਂ ਬਾਅਦ ਬ੍ਰਿਟੇਨ ‘ਚ…
ਇਕ ਮਹੀਨਾ ਪਹਿਲਾਂ ਵਿਆਹੇ ਨੌਜਵਾਨ ਨੇ ਕੀਤੀ ਖੁਦਕੁਸ਼ੀ
ਜਲੰਧਰ — ਪਿੰਡ ਗਾਜੀਪੁਰ ਦੇ 28 ਸਾਲਾ ਪੇਂਟ ਕਾਰੋਬਾਰੀ ਨੇ ਆਪਣੀ ਪਤਨੀ ਤੋਂ ਤੰਗ ਪਰੇਸ਼ਾਨ ਹੋ ਕੇ ਬਾਥਰੂਮ ‘ਚ ਫਾਹ…
ਹੁਣ ਗਰੀਬ ਦੀ ਥਾਲੀ ਹੋਵੇਗੀ ਸਸਤੀ
ਨਵੀਂ ਦਿੱਲੀ— ਸਰਕਾਰ ‘ਟਾਰਗੇਟ ਪਬਲਿਕ ਡਿਸਟ੍ਰੀਬਿਊਸ਼ਨ ਸਕੀਮ (ਟੀ. ਪੀ. ਡੀ. ਐੱਸ.)’ ‘ਚ ਗਰੀਬ ਪਰਿਵਾਰਾਂ ਲਈ ਅਨਾਜ ਵੰਡ ਵਧਾਉਣ ‘ਤੇ ਵਿਚਾਰ…