ਗੜੇਮਾਰੀ ਕਾਰਨ ਚਿੱਟੀ ਚਾਦਰ ਨਾਲ ਢਕਿਆ ਰਾਜਪੁਰਾ

ਪਟਿਆਲਾ- ਅੱਜ ਸਵੇਰੇ ਰਾਜਪੁਰਾ ਤੇ ਇਸ ਦੇ ਆਲੇ-ਦੁਆਲੇ ਦੇ ਇਲਾਕੇ ‘ਚ ਹੋਈ ਗੜੇਮਾਰੀ ਨੇ ਕਨੇਡਾ ਦੀ ਬਰਫ ਦੀ ਯਾਦ ਤਾਜਾ ਕਰਵਾ ਦਿੱਤੀ । ਗੜੇਮਾਰੀ ਇੰਨੀ ਤੇਜ ਸੀ ਕਿ ਪਲਾਸਟਿਕ ਦੇ ਜਿਹੜੇ ਭਾਂਡੇ ਬਾਹਰ ਪਏ ਸਨ ਉਹਨਾਂ ਵਿੱਚ ਮੋਰੀਆਂ ਹੋ ਗਈਆਂ ।ਪਿੰਡ ਭਟੇੜੀ ‘ਚ ਗੜੇਮਾਰੀ ‘ਚ ਫਸੇ ਕਈ ਬਜੁਰਗਾਂ ਨੂੰ ਕਾਫੀ ਕਸ਼ਟ ਝਲਣਾ ਪਿਆ।ਰਾਜਪੁਰੇ ਦਾ ਸ਼ਿਵਾ ਜੀ ਪਾਰਕ ,ਨਿਰੰਕਾਰੀ ਪਾਰਕ ਇਸ ਤਰ੍ਹਾਂ ਲੱਗ ਰਹੇ ਸਨ ਜਿਵੇਂ ਕੋਈ ਚਿੱਟੀ ਚਾਦਰ ਵਿਛਾ ਗਿਆ ਹੋਵੇ।ਜਿਹਨਾਂ ਬੱਚਿਆ ਨੇ ਪਹਿਲੀ ਵਾਰ ਗੜੇਮਾਰੀ ਹੁੰਦੀ ਦੇਖੀ ਉਹਨਾਂ ਨੂੰ ਲੱਗਿਆ ਜਿਵੇ ਸੈਂਟਾ ਕਲਾਜ ਤੋਹਫਾ ਲੈ ਕੇ ਪਹੁੰਚਿਆ ਹੋਵੇ।ਗੜੇਮਾਰੀ ਕਾਰਨ ਠੰਡ ਬਹੁਤ ਵੱਧ ਗਈ ਹੈ ਤੇ ਸਵੇਰੇ ਤੋਂ ਹੀ ਮੀਂਹ ਬਹੁਤ ਪੈ ਰਿਹਾ ਹੈ।