ਲੁਧਿਆਣਾ ‘ਚ 7 ਹੋਰ ਨਵੇਂ ਮਾਮਲੇ ਆਏ ਸਾਹਮਣੇ

ਲੁਧਿਆਣਾ : ਕਰੋਨਾ ਦੇ ਕਹਿਰ ਨੂੰ ਮਾਤ ਪਾਉਣ ਵਾਲੇ ਪੰਜਾਬ ਵਿਚ ਮੁੜ ਤੋਂ ਕਰੋਨਾ ਦੇ ਮਾਮਲੇ ਵੱਧਣ ਲੱਗੇ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਲੁਧਿਆਣਾ ‘ਚ ਅੱਜ ਕਰੋਨਾ ਵਾਇਰਸ ਦੇ 7 ਹੋਰ ਨਵੇਂ ਮਰੀਜ਼ ਸਾਹਮਣੇ ਹਨ। ਜਿਨ੍ਹਾਂ ‘ਚ 31 ਸਾਲ ਦੀ ਗਰਭਵਤੀ ਔਰਤ ਕਰੋਨਾ, ਜੇਲ ‘ਚ ਸਜ਼ਾ ਯਾਫਤਾ 4 ਕੈਦੀ ਤੇ ਬੀਤੇ ਦਿਨੀਂ ਸਮਰਾਲਾ ਤੋਂ ਕੋਰੋਨਾ ਪਾਜ਼ੇਟਿਵ ਆਏ ਵਿਅਕਤੀ ਦੀ 45 ਸਾਲ ਦੀ ਮਾਂ ਅਤੇ 4 ਮਹੀਨੇ ਦਾ ਬੱਚਾ ਸ਼ਾਮਲ ਹੈ। ਇਨ੍ਹਾਂ ਸਭ ਦੀ ਅੱਜ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਇਸ ਦੇ ਨਾਲ ਕਰੋਨਾ ਮਰੀਜ਼ਾਂ ਦਾ ਅੰਕੜਾ 200 ਤੋਂ ਪਾਰ ਕਰ ਚੁਕਿਆ ਹੈ ਅਤੇ 149 ਮਰੀਜ਼ਾਂ ਦੇ ਠੀਕ ਹੋਣ ਦੀ ਖਬਰ ਹੈ। 8 ਲੋਕਾਂ ਦੀ ਹੁਣ ਤਕ ਕੋਰੋਨਾ ਨਾਲ ਮੌਤ ਹੋ ਚੁਕੀ ਹੈ।