ਰੋਮ (ਬਿਊਰੋ)— ਇਟਲੀ ਦੀ ਗੋਤਾਖੋਰ ਐਲੀਸਾ ਜ਼ੇਚੀਨੀ (26) ਨੇ ਅਦਭੁੱਤ ਬਹਾਦੁਰੀ ਦਿਖਾਉਂਦੇ ਹੋਏ ਨਵਾਂ ਵਰਲਡ ਰਿਕਾਰਡ ਬਣਾਇਆ। ਉਸ ਨੇ ਬਹਾਮਾ ਵਿਚ ਸਾਢੇ 3 ਮਿੰਟ ਤੋਂ ਜ਼ਿਆਦਾ ਦੇਰ ਤੱਕ ਸਾਹ ਰੋਕਣ ਦੇ ਬਾਅਦ 351 ਫੁੱਟ ਦੀ ਡੂੰਘਾਈ ਤੱਕ ਤੈਰਨ ਦਾ ਰਿਕਾਰਡ ਬਣਾਇਆ। ਜ਼ੇਚੀਨੀ ਦੀ ਉਪਲਬਧੀ ਦਾ ਅੰਦਾਜ਼ਾ ਇਸ ਗੱਲ ਨਾਲ ਲਗਾਇਆ ਜਾ ਸਕਦਾ ਹੈ ਕਿ ਉਸ ਨੇ ਜੋ ਦੂਰੀ ਤੈਅ ਕੀਤੀ, ਉਹ ਇਕ ਫੁਟਬਾਲ ਦੇ ਮੈਦਾਨ ਦੇ ਬਰਾਬਰ ਹੈ। ‘ਵੀ.ਬੀ. 2018 ਡਾਈਵਿੰਗ ਚੈਂਪੀਅਨਸ਼ਿਪ’ ਵਿਚ ਡੂੰਘਾਈ ਤੱਕ ਉਤਰਨ ਲਈ ਜ਼ੇਚੀਨੀ ਨੂੰ ਇਕ ਰੱਸੀ ਨਾਲ ਸਹਾਰਾ ਵੀ ਦਿੱਤਾ ਗਿਆ ਸੀ ਤਾਂ ਜੋ ਐਮਰਜੈਂਸੀ ਸਥਿਤੀ ਵਿਚ ਚੀਜ਼ਾਂ ਨੂੰ ਸੰਭਾਲਿਆ ਜਾ ਸਕੇ। ਉਹ ਸ਼ਾਂਤ ਅਤੇ ਆਰਾਮਦਾਇਕ ਤਰੀਕੇ ਨਾਲ ਹੇਠਾਂ ਵੱਲ ਚੱਲੀ ਗਈ। ਇਸ ਤਰ੍ਹਾਂ ਦੀ ਗੋਤਾਖੋਰੀ ਲਈ ‘ਫ੍ਰੀਡਾਈਵਰ’ ਆਪਣੀਆਂ ਬਾਹਾਂ ਨੂੰ ਜ਼ਿਆਦਾ ਤੋਂ ਜ਼ਿਆਦਾ ਫੈਲਾ ਕੇ ਤੈਰਨ ਦੀ ਕੋਸ਼ਿਸ਼ ਕਰਦੇ ਹਨ। ਜ਼ੇਚੀਨੀ ਜਿਹੜੀਆਂ ਡੂੰਘਾਈਆਂ ਤੱਕ ਪਹੁੰਚੀ ਉੱਥੇ ਤੱਕ ਸੂਰਜ ਦੀ ਰੋਸ਼ਨੀ ਵੀ ਨਹੀਂ ਪਹੁੰਚ ਰਹੀ ਸੀ। ਇਸ ਦੌਰਾਨ ਐਲੀਸਾ ਜ਼ੇਚੀਨੀ ਲਈ ਸਾਹ ਰੋਕੇ ਰੱਖਣਾ ਵੱਡੀ ਚੁਣੌਤੀ ਸੀ। ਉਹ ਜਿੰਨੀ ਤੇਜ਼ੀ ਨਾਲ ਹੇਠਾਂ ਗਈ, ਉਨੀ ਹੀ ਤੇਜ਼ੀ ਨਾਲ ਉੱਪਰ ਵੱਲ ਵਾਪਸ ਆਉਣਾ ਸ਼ੁਰੂ ਕਰ ਦਿੱਤਾ ਤਾਂ ਜੋ ਖੁੱਲ੍ਹੇ ਵਿਚ ਸਾਹ ਲੈ ਸਕੇ। ਇਸ ਦੌਰਾਨ ਇਕ ਸਪੋਰਟ ਸਟਾਫ ਉਸ ਦਾ ਮਾਰਗ ਦਰਸ਼ਨ ਕਰਦਾ ਰਿਹਾ।
Related Posts
ਅਸਮਾਨੀ ਬਿਜਲੀ ਡਿੱਗਣ ਕਾਰਨ 40 ਭੇਡਾਂ ਤੇ 5 ਬੱਕਰੀਆਂ ਦੀ ਹੋਈ ਮੌਤ
ਕਾਲਾ ਸੰਘਿਆਂ- ਨਜ਼ਦੀਕੀ ਪਿੰਡ ਅਹਿਮਦਪੁਰ ਜ਼ਿਲ੍ਹਾ ਕਪੂਰਥਲਾ ਵਿਖੇ ਡਰੇਨ ਨਜ਼ਦੀਕ ਚਰਾਂਦ ਲਈ ਆਏ ਪਸ਼ੂਆਂ ‘ਤੇ ਅਸਮਾਨੀ ਬਿਜਲੀ ਪੈਣ ਕਾਰਨ 40…
ਇਨਸਾਨੀਅਤ ਦੇ ਦੀਵੇ ਚੋਂ ਮੁੱਕਿਆ ਤੇਲ, ਡਾਕਟਰਾਂ ਨੇ ਲਾਈ ਕੱਫਣਾਂ ਦੀ ਸੇਲ
ਜਲੰਧਰ — ਨਿੱਜੀ ਹਸਪਤਾਲ ‘ਚ ਮਰੀਜ਼ ਦੀ ਮੌਤ ਹੋਣ ਤੋਂ ਬਾਅਦ ਪਰਿਵਾਰ ਵਾਲਿਆਂ ਵੱਲੋਂ ਜਮ ਕੇ ਹੰਗਾਮਾ ਕੀਤਾ ਗਿਆ। ਮਿਲੀ…
ਆਪਣਿਆਂ ਦੀ ਭਾਲ ”ਚ ਪਥਰਾਈਆਂ ਅੱਖਾਂ, 259 ਜਾਨਾਂ ਅਜੇ ਵੀ ਲਾਪਤਾ
ਮੈਕਸੀਕੋ ਸਿਟੀ— ਬ੍ਰਾਜ਼ੀਲ ਦੇ ਦੱਖਣੀ-ਪੂਰਬੀ ਮਿਨਾਸ ਗੇਰਾਇਸ ਸੂਬੇ ‘ਚ ਖਾਨ ਦਾ ਪੁਲ ਢਹਿ ਜਾਣ ਕਾਰਨ ਹੁਣ ਤਕ 99 ਲੋਕਾਂ ਦੇ…