ਦੇਹਰਾਦੂਨ—ਉੱਤਰਾਖੰਡ ਦੇ ਸ਼ਹਿਰ ‘ਚ ਇਕ ਨੌਜਵਾਨ ਨੇ ਕਾਲਜ ਤੋਂ ਪਰੀਖਿਆ ਦੇ ਕੇ ਆ ਰਹੀ ਇਕ ਵਿਦਿਆਰਥਣ ‘ਤੇ ਪੈਟਰੋਲ ਪਾ ਕੇ ਅੱਗ ਲਗਾ ਦਿੱਤੀ। ਤਕਰੀਬਨ 70 ਫਿਸਦੀ ਸੜ ਚੁੱਕੀ ਵਿਦਿਆਰਥਣ ਨੂੰ ਗੰਭੀਰ ਹਾਲਤ ‘ਚ ਮੈਡਿਕਲ ਕਾਲਜ ਸ਼੍ਰੀਨਗਰ ‘ਚ ਦਾਖਲ ਕਰਵਾਇਆ ਗਿਆ ਹੈ। ਜਾਣਕਾਰੀ ਮੁਤਾਬਕ ਪੋੜੀ ਜ਼ਿਲ੍ਹੇ ਦੇ ਕਫੋਲਸਯੂ ਪੱਟੀ ਦੇ ਇਕ ਪਿੰਡ ਦੀ 18 ਸਾਲਾਂ ਲੜਕੀ ਐਤਵਾਰ ਨੂੰ ਬੀ. ਐੱਸ. ਸੀ. ਦੀ ਪ੍ਰੋਯਗਾਤਮਕ ਪਰੀਖਿਆ ਦੇ ਕੇ ਆਪਣੀ ਸਕੂਟਰੀ ‘ਤੇ ਵਾਪਸ ਆ ਰਹੀ ਸੀ। ਰਾਸਤੇ ‘ਚ ਪਿੰਡ ਗਹੜ ਦਾ ਮਨੋਜ ਸਿੰਘ ਉਰਫ ਬੰਟੀ ਉਸਦਾ ਪਿੱਛਾ ਕਰਨ ਲਗ ਪਿਆ, ਥੋੜੀ ਅੱਗੇ ਜਾਣ ਤੋਂ ਬਾਅਦ ਸੁੰਨਸਾਨ ਜਗ੍ਹਾ ‘ਤੇ ਪਹੰਚ ਕੇ ਉਸ ਨੇ ਲੜਕੀ ਨੂੰ ਰੋਕ ਕੇ ਜ਼ਬਰਦਸਤੀ ਕਰਨੀ ਸ਼ੁਰੂ ਕੀਤੀ। ਜਦੋਂ ਲੜਕੀ ਨੇ ਉਸਦਾ ਵਿਰੋਧ ਕੀਤਾ ਤਾਂ ਉਸ ਨੇ ਲੜਕੀ ‘ਤੇ ਪੈਟਰੋਲ ਪਾ ਕੇ ਅੱਗ ਲਗਾ ਦਿੱਤੀ। ਕੁਝ ਸਮੇਂ ਬਾਅਦ ਉਥੋਂ ਲੰਘ ਰਹੇ ਇਕ ਵਿਅਕਤੀ ਨੇ ਲੜਕੀ ਨੂੰ ਜ਼ਖਮੀ ਹਾਲਤ ‘ਚ ਦੇਖ ਕੇ ਪੁਲਸ ਨੂੰ ਸੂਚਨਾ ਦਿੱਤੀ। ਮੌਕੇ ‘ਤੇ ਪੁਲਸ ਨੇ ਪਹੁੰਚ ਕੇ ਲੜਕੀ ਨੂੰ 108 ਐਂਬੂਲੈਂਸ ਦੀ ਮਦਦ ਨਾਲ ਪੋੜੀ ਦੇ ਹਸਪਤਾਲ ਪਹੁੰਚਾਇਆ। ਇਥੇ ਡਾਕਟਰਾਂ ਨੇ ਫਸਟ ਏਡ ਤੋਂ ਬਾਅਦ ਵਿਦਿਆਰਥਣ ਨੂੰ ਮੈਡਿਕਲ ਕਾਲਜ ਲਈ ਰੈਫਰ ਕਰ ਦਿੱਤਾ। ਡਾ. ਬੀ. ਪੀ. ਮੋਰਯਾ ਤੇ ਡਾ. ਪੰਕਜ ਕੁਮਾਰ ਸ਼ਰਮਾ ਨੇ ਦੱਸਿਆ ਕਿ ਵਿਦਿਆਰਥਣ ਤਕਰੀਬਨ 70 ਫੀਸਦੀ ਸੜ ਚੁੱਕੀ ਹੈ। ਪੁਲਸ ਨੇ ਦੋਸ਼ੀ ਨੂੰ ਗਿਰਫਤਾਰ ਕਰ ਲਿਆ ਹੈ ਤੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
Related Posts
ਪਾਣੀ ‘ਚ ਮਿਲਿਆ ਕੋਰੋਨਾ ਵਾਇਰਸ, ਕੋਵਿਡ-19 ਨੂੰ ਲੈ ਕੇ ਪੈਰਿਸ ‘ਚ ਨਵਾਂ ਖ਼ਤਰਾ
ਜਾਨਲੇਵਾ ਮਹਾਂਮਾਰੀ ਕੋਰੋਨਾ ਵਾਇਰਸ ਬਾਰੇ ਇੱਕ ਹੋਰ ਵੱਡਾ ਖ਼ਤਰਾ ਸਾਹਮਣੇ ਆਇਆ ਹੈ। ਫ਼ਰਾਂਸ ਦੀ ਰਾਜਧਾਨੀ ਪੈਰਿਸ ਸ਼ਹਿਰ ‘ਚ ਪਾਣੀ ਵਿੱਚ…
BSNL ਨੇ ਇਨ੍ਹਾਂ ਦੋ ਪਲਾਨਜ਼ ਕੀਤਾ ਵੱਡਾ ਬਦਲਾਅ, ਮਿਲੇਗਾ ਦੁਗਣਾ ਡਾਟਾ
ਨਵੀ ਦਿਲੀ–ਬੀ.ਐੱਸ.ਐੱਨ.ਐੱਲ. ਨੇ ਆਪਣੇ 525 ਅਤੇ 725 ਰੁਪਏ ਦੇ ਪੋਸਟਪੇਡ ਪਲਾਨਜ਼ ਨੂੰ ਰਿਵਾਈਜ਼ ਕੀਤਾ ਹੈ। ਕੰਪਨੀ ਆਪਣੇ 525 ਰੁਪਏ ਦੇ…
ਸਮੇਂ ਦੀਆਂ ਸਰਕਾਰਾਂ ਦਾ ਪਾਣੀ ਭਰਦਾ ਪਟਿਆਲਾ ਘਰਾਣਾ
ਕੈਪਟਨ ਅਮਰਿੰਦਰ ਸਿੰਘ ਮੁੱਖ ਮੰਤਰੀ ਪੰਜਾਬ ਅੱਜਕੱਲ ਜ਼ਲ੍ਹਿਆਂ ਵਾਲੇ ਬਾਗ ਦੇ ਪੀੜਤਾਂ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਦੇ ਨਜ਼ਰ ਆਉਂਦੇ…