ਨਵੀਂ ਦਿੱਲੀ— ਹੁਣ ਮੋਬਾਇਲ ਈ-ਵਾਲਿਟ ਦੇ ਯੂਜ਼ਰਸ ਜਲਦ ਹੀ ਇਕ ਵਾਲਿਟ ਤੋਂ ਦੂਜੇ ਵਾਲਿਟ ‘ਚ ਵੀ ਪੈਸੇ ਟਰਾਂਸਫਰ ਕਰ ਸਕਣਗੇ। ਭਾਰਤੀ ਰਿਜ਼ਰਵ ਬੈਂਕ (ਆਰ. ਬੀ. ਆਈ.) ਨੇ ਇਸ ਲਈ ਦਿਸ਼ਾ-ਨਿਰਦੇਸ਼ ਜਾਰੀ ਕਰ ਦਿੱਤੇ ਹਨ। ਰਿਜ਼ਰਵ ਬੈਂਕ ਨੇ ਕਿਹਾ ਕਿ ਡਿਜੀਟਲ ਵਾਲਿਟ ਕੰਪਨੀਆਂ ਚਾਹੁਣ ਤਾਂ ਹੁਣ ਸਰਕਾਰ ਵੱਲੋਂ ਸਪੋਰਟਡ ਪੇਮੈਂਟ ਨੈੱਟਵਰਕ ਦਾ ਇਸਤੇਮਾਲ ਕਰ ਸਕਦੀਆਂ ਹਨ, ਜਿਸ ਨਾਲ ਇਨ੍ਹਾਂ ਕੰਪਨੀਆਂ ਵਿਚਕਾਰ ਆਪਸ ‘ਚ ਤੁਰੰਤ ਭੁਗਤਾਨ ਹੋ ਸਕੇਗਾ। ਦੇਸ਼ ‘ਚ ਤਕਰੀਬਨ 50 ਕੰਪਨੀਆਂ ਕੋਲ ਪ੍ਰੀਪੇਡ ਪੇਮੈਂਟ ਇੰਸਟਰੂਮੈਂਟ (ਪੀ. ਪੀ. ਆਈ., ਡਿਜੀਟਲ ਵਾਲਿਟ) ਦੇ ਲਾਇਸੈਂਸ ਹਨ। ਮੋਬਾਇਲ ਵਾਲਿਟਸ ਵਿਚਕਾਰ ਪੇਮੈਂਟ ਲਈ ਆਰ. ਬੀ. ਆਈ. ਨੇ ਹੁਣ ਤਕ ਕੋਈ ਘੱਟੋ-ਘੱਟ ਚਾਰਜ ਲਾਗੂ ਨਹੀਂ ਕੀਤਾ ਹੈ। ਇਸ ਲਈ ਮੰਨਿਆ ਜਾ ਰਿਹਾ ਹੈ ਕਿ ਇਸ ਕਦਮ ਨਾਲ ਦੇਸ਼ ‘ਚ ਡਿਜੀਟਲ ਪੇਮੈਂਟਸ ਨੂੰ ਤੇਜ਼ੀ ਮਿਲੇਗੀ। ਜ਼ਿਕਰਯੋਗ ਹੈ ਕਿ ਦੇਸ਼ ‘ਚ ਮੋਬੀਕਵਿਕ, ਓਕਸੀਜਨ, ਪੇਟੀਐੱਮ, ਆਈ. ਟੀ. ਜੈੱਡ. ਕੈਸ਼ ਅਤੇ ਓਲਾ ਮਨੀ ਕੁਝ ਪਾਪੁਲਰ ਮੋਬਾਇਲ ਵਾਲਿਟਸ ਹਨ। ਮੌਜੂਦਾ ਸਮੇਂ ਇਕ ਮੋਬਾਈਲ ਵਾਲਿਟ ਤੋਂ ਕਿਸੇ ਹੋਰ ਕੰਪਨੀ ਵੱਲੋਂ ਚਲਾਏ ਜਾਂਦੇ ਵਾਲਿਟ ‘ਚ ਪੈਸਾ ਭੇਜਣ ਜਾਂ ਪ੍ਰਾਪਤ ਕਰਨ ਦੀ ਇਜਾਜ਼ਤ ਨਹੀਂ ਮਿਲਦੀ ਹੈ ਪਰ ਜਲਦ ਹੀ ਗਾਹਕ ਯੂ. ਪੀ. ਆਈ. ਰਾਹੀਂ ਮੋਬਾਇਲ ਵਾਲਿਟ ਵਿਚਕਾਰ ਪੈਸੇ ਟਰਾਂਸਫਰ ਕਰ ਸਕਣਗੇ।
Related Posts
841 COVID-19 positive cases in Haryana, active cases at 376
Chandigarh (Haryana) [India], May 15 (ANI): The total number of COVID-19 positive cases in Haryana stands at 841, including 376…
ਕੈਨੇਡਾ ਜਾਣ ਵਾਲਿਆਂ ਲਈ ਨਵੇਂ ਸਾਲ ਤੋਂ ਨਵੇਂ ਨਿਯਮ ਹੋਣਗੇ ਲਾਗੂ
ਜਲੰਧਰ— ਕੈਨੇਡਾ ਨੇ ਜਿੱਥੇ 2018 ਦੀ ਸ਼ੁਰੂਆਤ ‘ਚ ਆਪਣੇ ਇਮੀਗ੍ਰੇਸ਼ਨ ਨਿਯਮਾਂ ‘ਚ ਬਦਲਾਅ ਕੀਤਾ ਸੀ। ਉਂਝ ਹੀ ਆਉਣ ਵਾਲੇ ਨਵੇਂ…
ਮੀਂਹ ਨੇ ਜਾਣ ਨਾ ਦਿੱਤੀ ਪੇਸ਼, ਦੋਵੇਂ ਭੈਣਾਂ ਜਿੱਤ ਗਈਆਂ ਕੇਸ
ਮਸਕਟ: ਭਾਰਤ ਤੇ ਪਾਕਿਸਤਾਨ ਨੂੰ ਏਸ਼ਿਆਈ ਚੈਂਪੀਅਨਜ਼ ਟਰਾਫ਼ੀ 2018 ਦਾ ਸਾਂਝੇ ਤੌਰ ‘ਤੇ ਜੇਤੂ ਐਲਾਨ ਦਿੱਤਾ ਗਿਆ। ਫਾਈਨਲ ਮੁਕਾਬਲੇ ਤੋਂ…