ਲੰਡਨ— ਬਰਕਸ਼ਾਇਰ ‘ਚ ਹੋਈ ਇਕ ਨੀਲਾਮੀ ‘ਚ ਟੀਪੂ ਦੇ ਹਥਿਆਰਾਂ ਦਾ ਬੋਲਬਾਲਾ ਰਿਹਾ। ਇਨ੍ਹਾਂ ਹਥਿਆਰਾਂ ‘ਚ ਟੀਪੂ ਸੁਲਤਾਨ ਦੀ ਚਾਂਦੀ ਜੜੀ ਬੰਦੂਕ ਅਤੇ ਸੋਨੇ ਦੀ ਤਲਵਾਰ ਸ਼ਾਮਲ ਹੈ, ਜਿਸ ਦੀ ਨੀਲਾਮੀ ਕੁਲ 107,000 ਪੌਂਡ ‘ਚ ਹੋਈ। ਇਸ ‘ਚ 14 ਬੋਲੀਆਂ ਚਾਂਦੀ ਨਾਲ ਜੜੀ 20 ਬੋਰ ਵਾਲੀ ਬੰਦੂਕ ਦੀ ਲੱਗੀ। ਟੀਪੂ ਦੀ ਇਸ ਬੰਦੂਕ ਦੀ ਨੀਲਾਮੀ 60,000 ਪੌਂਡ (54.74 ਲੱਖ ਰੁਪਏ) ‘ਚ ਹੋਈ। ਇਸ ਬੰਦੂਕ ਦੇ ਨੋਟ ‘ਚ ਲਿਖਿਆ ਹੈ ਕਿ ਇਸ ਬੰਦੂਕ ਨੂੰ ਸਿੱਧਾ ਯੁੱਧ ਖੇਤਰ ਤੋਂ ਹੀ ਚੁੱਕਿਆ ਗਿਆ ਹੋਵੇਗਾ ਕਿਉਂਕਿ ਇਹ ਬੁਰੀ ਤਰ੍ਹਾਂ ਨਾਲ ਖਰਾਬ ਹੋ ਗਈ ਹੈ। ਬੰਦੂਕ ਤੋਂ ਬਾਅਦ ਸਭ ਤੋਂ ਜ਼ਿਆਦਾ 58 ਬੋਲੀ ਸੋਨੇ ਦੀ ਤਲਵਾਰ ਦੀ ਲੱਗੀ ਜਿਸ ਨੂੰ ਲਗਭਗ 18,500 ਪੌਂਡ (16 ਲੱਖ ਰੁਪਏ) ‘ਚ ਖਰੀਦੀ ਗਈ। ਇਸ ਨੀਲਾਮੀ ਦੀ ਜਾਣਕਾਰੀ ਹੋਣ ‘ਤੇ ਭਾਰਤੀ ਉੱਚਾਯੋਗ ਨੇ ਬਰਕਸ਼ਾਇਰ ਸਥਿਤ ਨੀਲਾਮੀ ਘਰ ‘ ਐਂਟਨੀ ਲਿਮਿਟੇਡ’ ਨੂੰ ਇਨ੍ਹਾਂ ਚੀਜ਼ਾਂ ਨੂੰ ਵਾਪਸ ਭਾਰਤ ਭੇਜਣ ‘ਤੇ ਵਿਚਾਰ ਕਰਨ ਨੂੰ ਕਿਹਾ ਹੈ।
