ਵਲਿੰਗਟਨ— ਨਿਊਜ਼ੀਲੈਂਡ ‘ਚ ਗਿਊਸ ਹਟ ਨਾਂ ਦੇ ਇਕ ਮਛੇਰੇ ਨੂੰ ਸਮੁੰਦਰ ‘ਚ ਡੁੱਬਦਾ ਹੋਇਆ ਇਕ ਬੱਚਾ ਦਿਖਾਈ ਦਿੱਤਾ ਅਤੇ ਉਸ ਨੇ ਉਸ ਨੂੰ ਸੁਰੱਖਿਅਤ ਬਚਾ ਲਿਆ। ਉਸ ਨੇ ਦੱਸਿਆ ਕਿ ਪਹਿਲਾਂ ਤਾਂ ਦੂਰ ਤੋਂ ਉਸ ਨੂੰ ਇਹ ਬੱਚਾ ਇਕ ਤੈਰਦੀ ਹੋਈ ਗੁੱਡੀ ਵਰਗਾ ਦਿਖਾਈ ਦੇ ਰਿਹਾ ਸੀ ਪਰ ਬਾਅਦ ‘ਚ ਉਸ ਨੂੰ ਸੱਚ ਸਮਝ ‘ਚ ਆਇਆ। ਉਸ ਨੇ ਦੱਸਿਆ ਕਿ ਤੇਜ਼ ਲਹਿਰਾਂ ‘ਚ ਬੱਚਾ ਕਿਸੇ ਵੀ ਸਮੇਂ ਡੁੱਬ ਸਕਦਾ ਸੀ ਪਰ ਪ੍ਰਮਾਤਮਾ ਦੀ ਕ੍ਰਿਪਾ ਨਾਲ ਬੱਚਾ ਬਚ ਗਿਊਸ ਹਟ 26 ਅਕਤੂਬਰ ਦੀ ਸਵੇਰ ਤਕਰੀਬਨ ਸਵਾ ਸੱਤ ਵਜੇ ਸਮੁੰਦਰ ਕਿਨਾਰੇ ਮੱਛੀਆਂ ਫੜਨ ਵਾਲੇ ਜਾਲ ਦੀ ਜਾਂਚ ਕਰ ਰਿਹਾ ਸੀ। ਤਦ ਹੀ ਉਸ ਨੇ ਕੁੱਝ ਦੇਖਿਆ ਅਤੇ ਉਸ ਨੂੰ ਲੱਗਾ ਕਿ ਕਿਸੇ ਬੱਚੇ ਦਾ ਖਿਡੌਣਾ ਪਾਣੀ ‘ਚ ਤੈਰ ਰਿਹਾ ਹੈ ਪਰ ਜਦ ਉਸ ਨੂੰ ਬੱਚੇ ਦੇ ਰੋਣ ਦੀ ਆਵਾਜ਼ ਸੁਣੀ ਤਾਂ ਪਤਾ ਲੱਗਾ ਕਿ ਇਹ ਬੱਚਾ ਹੈ। ਜਾਣਕਾਰੀ ਮੁਤਾਬਕ ਮਟਾਟ ਬੀਚ ‘ਤੇ ਬੱਚੇ ਦਾ ਪਰਿਵਾਰ ਰਹਿੰਦਾ ਹੈ ਅਤੇ 18 ਮਹੀਨਿਆਂ ਦਾ ਇਹ ਬੱਚਾ ਆਪਣੇ ਪਰਿਵਾਰ ਦੇ ਟੈਂਟ ‘ਚੋਂ ਨਿਕਲ ਕੇ ਬਾਹਰ ਆਇਆ ਤੇ ਸਮੁੰਦਰ ‘ਚ ਡਿੱਗ ਗਿਆ। ਬੱਚੇ ਦਾ ਇਸ ਤਰ੍ਹਾਂ ਬਚ ਜਾਣਾ ਚਮਤਕਾਰੀ ਦੱਸਿਆ ਜਾ ਰਿਹਾ ਹੈ ਕਿਉਂਕਿ ਮਛੇਰਿਆਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਰੋਜ਼ਾਨਾ ਤੋਂ ਵੱਖਰੇ ਥਾਂ ‘ਤੇ ਮੱਛੀਆਂ ਫੜਨ ਦਾ ਮਨ ਬਣਾਇਆ ਸੀ। ਪਰਿਵਾਰ ਨੇ ਕਿਹਾ ਕਿ ਮਛੇਰਾ ਬੱਚੇ ਲਈ ਫਰਿਸ਼ਤਾ ਬਣ ਕੇ ਆਇਆ ਕਿਉਂਕਿ ਜੇਕਰ ਉਹ ਉੱਥੇ ਨਾ ਹੁੰਦਾ ਤਾਂ ਸ਼ਾਇਦ ਬੱਚੇ ਦਾ ਬਚਣਾ ਮੁਸ਼ਕਲ ਹੋ ਜਾਂਦਾ। ਬੱਚਾ ਬਿਲਕੁਲ ਠੀਕ ਹੈ ਅਤੇ ਆਪਣੇ ਪਰਿਵਾਰ ਕੋਲ ਹੈ।
Related Posts
ਲੌਕਡਾਊਨ ’ਚ ਮਕੈਨਿਕਾਂ, ਪਲੰਬਰ, ਤਰਖਾਣਾਂ, ਕੁਰੀਅਰ, IT ਕੰਪਨੀਆਂ…. ਨੂੰ ਮਿਲੇਗੀ ਛੋਟ
ਕੇਂਦਰ ਸਰਕਾਰ ਨੇ ਲੌਕਡਾਊਨ ਦੇ ਦੂਜੇ ਹਿੱਸੇ ਲਈ ਦਿਸ਼ਾ–ਨਿਰਦੇਸ਼ ਜਾਰੀ ਕਰ ਦਿੱਤੇ ਹਨ। ਇਸ ਅਧੀਨ ਜਨਤਕ ਥਾਵਾਂ ’ਤੇ ਮਾਸਕ ਪਹਿਨਣਾ…
ਹਰਿਆਣਾ ਵਿੱਚ ਕਰੋਨਾ ਕਾਰਨ 10ਵੀਂ ਮੌਤ
ਪਾਣੀਪਤ : ਲੌਕਡਾਊਨ ਫ਼ੇਜ਼-3 ਦਾ ਅੱਜ 7ਵਾਂ ਦਿਨ ਹੈ। ਫ਼ਰੀਦਾਬਾਦ ਵਿੱਚ ਲਾਗ ਕਾਰਨ ਤੀਜੀ ਮੌਤ ਹੋ ਗਈ ਹੈ। ਜਦਕਿ ਪ੍ਰਦੇਸ਼…
BSNL ਨੇ ਇਨ੍ਹਾਂ ਦੋ ਪਲਾਨਜ਼ ਕੀਤਾ ਵੱਡਾ ਬਦਲਾਅ, ਮਿਲੇਗਾ ਦੁਗਣਾ ਡਾਟਾ
ਨਵੀ ਦਿਲੀ–ਬੀ.ਐੱਸ.ਐੱਨ.ਐੱਲ. ਨੇ ਆਪਣੇ 525 ਅਤੇ 725 ਰੁਪਏ ਦੇ ਪੋਸਟਪੇਡ ਪਲਾਨਜ਼ ਨੂੰ ਰਿਵਾਈਜ਼ ਕੀਤਾ ਹੈ। ਕੰਪਨੀ ਆਪਣੇ 525 ਰੁਪਏ ਦੇ…