ਹੁਣ ਇੰਗਲੈਂਡ ‘ਚ ਵੀ ਸਿੱਖਾਂ ਨੂੰ ‘ਕਿਰਪਾਨ’ ਰੱਖਣ ਦੀ ਮਿਲੇਗੀ ਮਨਜ਼ੂਰੀ

ਲੰਡਨ— ਬ੍ਰਿਟੇਨ ਦੀ ਸਰਕਾਰ ਨੇ ਨਵੇਂ ਹਥਿਆਰ ਬਿੱਲ ਵਿਚ ਸੋਧ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਸੋਧ ਦੇ ਤਹਿਤ ਬ੍ਰਿਟੇਨ ਦੇ ਸਿੱਖ ਭਾਈਚਾਰੇ ਦੇ ਕਿਰਪਾਨ ਜਾਂ ਧਾਰਮਿਕ ਤਲਵਾਰ ਰੱਖਣ ਅਤੇ ਉਸ ਦੀ ਸਪਲਾਈ ਕਰਨ ਦਾ ਅਧਿਕਾਰ ਪ੍ਰਭਾਵਿਤ ਨਹੀਂ ਹੋਵੇਗਾ। ਇਸ ਬਿੱਲ ਨੂੰ ਹੁਣ ਸੰਸਦ ਦੀ ਮਨਜ਼ੂਰੀ ਦਾ ਇੰਤਜ਼ਾਰ ਹੈ। ਸੰਸਦ ਦੇ ਹੇਠਲੇ ਸਦਨ ਹਾਊਸ ਆਫ ਕੌਮਨਜ਼ ਵਿਚ The Offensive Weapons Bill 2018 ‘ਤੇ ਇਸ ਹਫਤੇ ਚਰਚਾ ਪੂਰੀ ਹੋ ਚੁੱਕੀ ਹੈ। ਹੁਣ ਇਹ ਮਨਜ਼ੂਰੀ ਲਈ ਉੱਪਰੀ ਸਦਨ ਹਾਊਸ ਆਫ ਲੌਰਡਸ ਵਿਚ ਜਾਵੇਗਾ। ਬ੍ਰਿਟੇਨ ਦੇ ਸਿੱਖ ਭਾਈਚਾਰੇ ਲਈ ਸਰਬ ਪਾਰਟੀ ਸੰਸਦੀ ਗਰੁੱਪ ਦਾ ਇਕ ਵਫਦ ਬ੍ਰਿਟੇਨ ਦੇ ਗ੍ਰਹਿ ਮੰਤਰਾਲੇ ਗਿਆ ਸੀ ਅਤੇ ਬੇਨਤੀ ਕੀਤੀ ਸੀ ਕਿ ਜਦੋਂ ਨਵਾਂ ਬਿੱਲ ਕਾਨੂੰਨ ਦਾ ਰੂਪ ਲਵੇ ਤਾਂ ਉਸ ਵਿਚ ਕਿਰਪਾਨ ਨੂੰ ਛੋਟ ਪ੍ਰਾਪਤ ਹੋਵੇ। ਸਮੂਹ ਦੀ ਪ੍ਰਮੁੱਖ ਲੇਬਰ ਪਾਰਟੀ ਦੀ ਸੰਸਦ ਮੈਂਬਰ ਪ੍ਰੀਤ ਕੌਰ ਗਿੱਲ ਨੇ ਕਿਹਾ,”ਮੈਨੂੰ ਖੁਸ਼ੀ ਹੈ ਕਿ ਸਰਕਾਰ ਨੇ ਇਹ ਸੋਧ ਕੀਤੀ।”