ਦਿਨ ਪ੍ਰਤੀ ਦਿਨ ਮੋਬਾਈਲ ਪ੍ਤੀ ਵੱਧ ਰਿਹਾ ਟੈਕਨੋਲੋਜੀ ਦਾ ਵਿਕਾਸ

ਮੰਡੀ (ਕੁਲਭੂਸ਼ਣ)— ਦਿਹਾਤੀ ਖੇਤਰਾਂ ‘ਚ ਇਸਤੇਮਾਲ ਕੀਤੇ ਜਾਣ ਵਾਲੇ ਚੁੱਲ੍ਹੇ ਨਾਲ ਹੁਣ ਮੋਬਾਇਲ ਫੋਨ ਵੀ ਚਾਰਜ ਕੀਤਾ ਜਾ ਸਕਦਾ ਹੈ। ਜੇ.ਪੀ. ਯੂਨਵੀਰਸਿਟੀ ਵਾਕਨਾਘਾਟ (ਸੋਲਨ) ਦੇ ਵਿਦਿਆਰਥੀ ਵਿਭੋਰ ਵੱਲੋਂ ਬਣਾਏ ਗਏ ਇਕ ਮਾਡਲ ‘ਚ ਚੁੱਲ੍ਹੇ ਦੀ ਗਰਮੀ ਨਾਲ ਹੁਣ ਮੋਬਾਇਲ ਫੋਨ ਨੂੰ ਚਾਰਜ ਕੀਤਾ ਜਾ ਸਕਦਾ ਹੈ। ਇਸ ਦੇ ਲਈ ਉਨ੍ਹਾਂ ਨੇ ਆਈ.ਆਈ.ਟੀ. ਮੰਡੀ ‘ਚ ਹਿਮਾਚਲ ਪ੍ਰਦੇਸ਼ ਦੀ ਤੀਜੀ ਸਾਇੰਸ ਕਾਂਗਰਸ ‘ਚ ਆਪਣਾ ਮਾਡਲ ਪ੍ਰਦਰਸ਼ਿਤ ਕੀਤਾ, ਜਿਸ ਦੀ ਸਾਰਿਆਂ ਨੇ ਸ਼ਲਾਘਾ ਕੀਤੀ। ਵਿਭੋਰ ਨੇ ਦੱਸਿਆ ਕਿ ਦਿਹਾਤੀ ਖੇਤਰਾਂ ‘ਚ ਬਿਜਲੀ ਦੀ ਸਮੱਸਿਆ ਸਭ ਤੋਂ ਜ਼ਿਆਦਾ ਹੁੰਦੀ ਹੈ, ਜਿਸ ਕਾਰਨ ਲੋਕਾਂ ਨੂੰ ਆਪਣਾ ਮੋਬਾਇਲ ਫੋਨ ਚਾਰਜ ਕਰਨ ‘ਚ ਪ੍ਰੇਸ਼ਾਨੀ ਆਉਂਦੀ ਹੈ। ਇਸ ਨੂੰ ਦੇਖਦੇ ਹੋਏ ਇਕ ਅਜਿਹਾ ਚੁੱਲ੍ਹਾ ਤਿਆਰ ਕੀਤਾ ਗਿਆ ਹੈ, ਜਿਸ ‘ਚ ਖਾਣਾ ਪਕਾਉਣ ਦੇ ਨਾਲ-ਨਾਲ ਮੋਬਾਇਲ ਫੋਨ ਵੀ ਚਾਰਜ ਕਰ ਸਕਦੇ ਹਾਂ।